呢間場，除咗可以喺沿河西路正門入，仲可以喺後門長堤大馬路入，但無論邊個門口入都好，基本上都會發現好多人，特別係女多到暈，星期五六晚無訂座的話，十一點後諗住 Walk In？程風喺度祝你好運啦！
呢間係全國連鎖經營嘅夜蒲店，好熱鬧 o架，你哋若然有去過深圳嘉賓路分店都知有幾人氣，而呢間廣州分店亦唔例外，仲出晒名係廣州 OL必到蒲點，每晚都超多 OL，由門口、走廊，以至場內，多到你唔信，質素更加係有保證，模特咁款嘅都有，非常誘人。
表演停不了
呢個場可以吸引到咁多人去，除咗係呢度多女外，仲有就係佢哋嘅表演。同其他酒吧做法有些少唔同，由於佢哋係全國連鎖，演藝表演人員陣容更強，早幾年深圳分店開時，已經有超過 40位已簽約歌手，另外加埋 Dancer，又有幾十人，可以話陣容龐大，所以佢哋喺廣州呢間場同其他分店都一樣，有高水準同多元化嘅演藝表演，一晚最少有三位或以上嘅歌手演出，另外仲有隊 Dancer不停咁表演，啲舞全部都有故事有編排，屬於專業表演，有埋呢類高水準演出，令到客人睇都睇得投入啲。
燈光氣氛搞得好
■台上啲表演，有歌手唱歌，仲有 Dancer伴舞。
除咗以上嘅特點，間場對其他設施都好講究，好似佢哋啲燈光都設計得好好，一啲都唔求其，所以每每有表演之時，又或者係 DJ打碟之時，燈光都會配合得好好，搖擺、旋轉之餘仲有好多唔同花式設計，搞到啲氣氛好好。
經常爆場唔在講，呢間場可以話係軟硬件都非常有心思，仲有就係佢班員工都好落力，例如喺吧頭嗰邊，佢哋嘅 Bartender就好落力咁去幫手搞氣氛，跳住舞斟酒，又喺無嘢做之時，一邊跳舞，一邊同客人玩，令到客人可以放開心情，全情投入，以上種種因素，都係令到呢間廣州場可以咁熱鬧，可以有咁多 OL嚟玩。所以，即使上到廣州，都要去番轉啦！
■佢係呢度嘅駐場歌手，幾幾好笑容。
■呢兩位係客人，質素唔錯啩！
■可愛嘅後生女 Dancer，好好玩，又好跳得。
■高妹係廣東人，真係又幾模特 Feel。
廣州 Soho
地址：廣州市越秀區沿江西路 147號 1樓
特別推薦：
2L黑牌¥ 1,580/套（包 12支軟飲）
1.5L軒尼詩 VSOP¥ 1,480/套（包 12支軟飲）
酒水收費：
黑牌/伏特加¥ 600/套（包 6支軟飲）
啤酒¥ 50/支，¥ 300/半打，¥ 500/打