文、攝：程風
■諮客丹丹（左）同阿玲，都幾靚女噃！
話晒呢間場走高檔豪華路線，大時大節當然玩得勁啲啦！所以，新正頭特別請嚟世界前列排名嘅 DJ，至於邊個？負責人話想賣個關子，但保證係猛料勁人，咁我都信佢講嘅，如果唔係，點襯得起呢度個好特別嘅旋轉 DJ Booth呢？記住喇，年初三呢位 DJ就會亮相，大家上嚟捧場啦！
營銷好玩又斯文
講完賀年特備節目，當然要介紹番呢個場有乜特色。呢度一向以女多見稱，新年想行個桃花運嘅話，嚟到點都會有啲收穫。唔使講第二樣，淨係門口班諮客已經有質素啦，仲有一班營銷，又係質高量多，個個都好識招呼客人，笑容滿面，好玩又斯文，玩玩吓真係以為識咗個 OL女朋友 o架。
■呢度嘅營銷，幾有味道。
■營銷夠多，呢位都幾似 OL啦！
王室卡座專人招呼
■嚟到東莞，一樣有拋樽表演。
呢間場算係全莞城最靚裝，全國嚟計，亦係數一數二嘅豪裝場。包房固然豪華，卡座都超靚仔，一個個卡座就好似一套套王室成員嘅沙發咁，列陣各位眼前，而且，仲有唔同嘅燈光去配合唔同卡座，確係美輪美奐。大家坐落去除咗舒服，簡直好似變身王室成員咁，你話爽唔爽呢？特別一提嘅係，每個卡座都有啲特別營銷跟理去招呼，絕對係嶄新嘅夜蒲感受，酒水又唔貴，真係抵玩 o架。
迎接兔年，記得嚟呢度，話唔定識到個兔女郎，桃花大旺！
■東莞場人氣靚場，點可以唔嚟見識吓先！
Merah Club
地址：東莞市東城大道「金月灣廣場」 B區
酒水收費：啤酒¥ 360/打、伏特加¥ 480/套（包 6支軟飲）、白蘭地¥ 798/套（包 6支軟飲、中果盤一個、 2份小食、 1盒紙巾）、威士忌（芝華士、百齡壇、杰克丹尼）¥ 580/套（包 6支軟飲）
包房最低消費¥ 2,380及¥ 2,680
特別推介：馬爹利名士套餐¥ 1,398/套
包馬爹利名士 2支、軟飲 8瓶、大果盤 1個、小食 2份及紙巾 1盒
另贈送馬爹利名士酒辦 1瓶