■佢就係呢度唯一一位吧女，真係超似鍾嘉欣。
Over Over！特別報告：喺福田一間酒吧吧頭發現一名激似鍾嘉欣嘅吧女！ Over Over！唔係講笑，程風喺福田福民站 A出口嗰間新開酒吧「瑞菲酒吧」發現佢，間場新開，交通方便，仲勁多女！即時入現場索料！
■皮膚白滑兼好笑容嘅營銷。
本來係應邀到呢間新酒吧玩，但因為久等之後，仍未見到朋友出現，於是一支公坐喺吧頭發呆，忽然有把女仔聲問：「先生飲啲乜？」就喺我抬頭一望，不得了……呢位應該係吧頭嘅吧女，佢外表清純，笑容滿面，睇真佢個樣，唔好去咁盡，程風話佢有 80%似鍾嘉欣。「鍾嘉欣？」我真係忍唔住叫咗出聲，搭訕之下，知道呢間吧原來無 Dancer有營銷，新開兩星期左右，閒日都爆場，不同凡響……點解？
燈光音效一流
■女歌手上台唱歌，全場即時起哄！
其實，呢區要搵呢類同羅湖酒吧近似模式同裝修嘅真係無，唔係啲超豪俱樂部，就係裝修求求其其，賣 30蚊支啤酒買一送一嘅酒吧，但係呢間酒吧就唔同，走正經路線，玩音樂，兼打好歌，而且啲音響好有水準，正所謂中音甜、高音準、低音勁。而且經營得好有誠意，啲裝修靚仔有特色，又有燈光效果一流，唔係話有節目先至打靚啲燈光，無表演時都一樣係咁好睇，咁好氣氛。講開演藝節目，呢度有幾位唔同類型嘅歌手表演，一開金口就搞到全場氣氛勁 High。爆場原因？咪就係咁囉！
勁多女客兼營銷
■佢唔係 Dancer，但一上到舞台就好似變咗身做 Dancer。
除咗吧頭有激似鍾嘉欣靚女之外，呢度女多到暈，營銷起碼有二三十位，女性客人更係不計其數，又唔奇嘅，事關附近真係無乜啱女士玩嘅正規場吖嘛。呢度場靚音樂正，燈光效果一流，唔嚟呢度仲去邊度玩呢？只要音樂一起，客人、營銷都紛紛上台跳舞，唔怪之得唔使請 Dancer啦！
講真，喺水圍、皇崗一帶，都好少呢類好似羅湖區酒吧嘅場玩，呢度又近皇崗關口，飲到醉醉哋，坐 20蚊人仔的士就可以到口岸過關，夠方便啩？
■全場坐滿，得 DJ台前嘅跳舞位有啲空位咋！
酒水價錢：
啤酒¥ 50/支、¥ 200/半打、¥ 300/打
威士忌¥ 480/套（包半打軟飲）
瑞菲酒吧
地址：深圳市福田區金田路「福民佳園」首層（「人人樂」斜對面）