■唔少外籍人士都鍾意嚟呢度玩，都幾得喎！
今次程風不如帶大家走遠啲，去到蛇口嗰邊嘅「海上世界」，會唔會遠得滯呢？梗係唔會啦！最緊要有得玩，嗰邊有咁多場玩，其中一間就叫做「 D Club」，好易搵，就喺一間著名咖啡店樓上之嘛。
文、攝：程風
■大廳有幾熱鬧？睇相啦！
呢間場真係玩 Clubbing，二樓卡座、上落嘅樓梯設計都唔錯！尤其係樓底夠高，空間感充足，好有外國大場 Feel。有大場 Feel，氣氛特別好，加上 DJ駐場，打碟唔係 Hip Hop就係 House，呢兩種音樂，至啱跳舞。所以呢度啲客人，無論男女，好多都會情不自禁起身跳埋一份。
客人蒲得投入，場面氣氛就更熱鬧。客路方面，呢度似乎女客仲多過男客，經常都有一批批深圳當地嘅女士嚟玩，一般都係白領 OL，下班之後咪約埋嚟飲酒跳舞消遣吓咁囉。值得留意嘅係，呢度特別多外籍女士，年輕成熟都有，聽負責人話，呢類外國客人一星期都嚟兩三晚，真係好捧場，而且往往又會帶新朋友嚟，久而久之，全部自己 Friend，自然蒲都蒲得癲啲放啲，特別開心！
派對一浪接一浪
呢度經常會搞好多唔同類型嘅派對，好似之前有 MJ之夜，搵嚟深圳扮 MJ好神似嘅表演者嚟做 Show；又會因應節日搞吓特色派對，譬如聖誕節同萬聖節，呢啲就肯定會大搞好玩 Party啦！聽聞近期仲會玩沙灘派對，話晒天氣熱辣辣，夠晒消暑。
其實，呢間 Club都係以音樂為主打，所以大部份派對都會同音樂主題有關，好似嚟緊七月尾又會搞個同音樂有關嘅夏日派對，有興趣嘅話，就要密切留意啦！
派對一浪接一浪
呢度經常會搞好多唔同類型嘅派對，好似之前有 MJ之夜，搵嚟深圳扮 MJ好神似嘅表演者嚟做 Show；又會因應節日搞吓特色派對，譬如聖誕節同萬聖節，呢啲就肯定會大搞好玩 Party啦！聽聞近期仲會玩沙灘派對，話晒天氣熱辣辣，夠晒消暑。
其實，呢間 Club都係以音樂為主打，所以大部份派對都會同音樂主題有關，好似嚟緊七月尾又會搞個同音樂有關嘅夏日派對，有興趣嘅話，就要密切留意啦！
■想結識外籍俏嬌娃？大家要練好外語嘞。
■呢兩位靚女係呢度嘅常客！
■咦，差啲以為選美。
■原來呢度都幾多女仔捧場，仲全部都係白領麗人。
D Club
地址：深圳市南山區蛇口「海上世界」（「星巴克」樓上 3樓）
酒水收費：威士忌¥ 418/套（包 4支軟飲）、啤酒¥ 30/支