■呢度不時搵嚟啲靚女歌手做表演嘉賓。
■廣州張國榮都喺度唱過。
呢間羅湖場名為「寶麗金懷舊音樂吧」，前身係「都市牛仔吧」，專門演繹港人至愛嘅香港懷舊音樂，由鳳凰路轉入華麗路即到。家陣喺羅湖區真係好少呢類專唱懷舊歌曲嘅場所，仲有 Live band演出，每晚 9點 15分開騷，由不同男女歌手演繹國、粵、英語新舊歌，中間有一段時間係專門唱香港嘅懷舊歌。想聽好歌，呢度絕對係一個理想地方。
斯文 OL蒲點
呢度嘅歌手全部都咁有實力，唔少係來自之前羅湖聞名嘅音樂吧，尤其啲女歌手，唱得之餘，仲樣子唔錯。羅湖區嘅 OL都好鍾意嚟呢度聽歌，所以，客路多斯文靚女。另外，呢度有一組客戶服務團隊，可以同客人猜枚飲酒，喺 Live band騷休息嘅時間，大家就可以搵客戶服務部嘅靚女玩吓，絕無冷場。再唔係，又可以打番場美式桌球，真係唔會悶 o架！
■客戶服務部嘅嘉嘉都幾靚女。
■歌手 Maggie，高䠷一族，係唱得又睇得。
■呢度嘅女客夠斯文。
■呢位 OL都係懷舊樂迷。
廣州張國榮
■話明係懷舊音樂吧， Live band又點少得。
講番隊駐場樂隊，叫做「電波樂隊」，確係幾耍家。此外，每個星期仲會有「飆歌會」喺度唱歌，佢哋都係喺羅湖好出名 o架。值得一提嘅係，呢度嘅老總係做開以前羅湖至出名嘅音樂吧，所以呢度亦以音樂為主要賣點，經常會搵嚟不同類型嘅樂隊同歌手演出，好似廣州出名嘅金曲歌手──廣州張國榮、廣州張學友、廣州劉德華都喺度表演過，要聽歌，真係不二之選。
寶麗金懷舊音樂吧
■人山人海，證明懷舊歌仲好有 Market。
地址：深圳市羅湖區華麗路 1048號集浩花園 2樓
酒水收費：啤酒¥ 300/打、¥ 40/支；威士忌¥ 550/套（配送 6支軟飲）；伏特加¥ 450/支、龍舌蘭¥ 550/支、軟飲¥ 25/支