■佢睇落好似好可愛噃，玩落好玩得就真。
呢間喺江背路嘅「單身吧」，連個名都咁啱我，啲酒水唔算貴，五嚿水已經有一支威士忌連 6支軟飲；如果大家鍾意飲啤酒，呢度黃金時段，啤酒仲係 238蚊就有一打，即係唔使 20蚊已經有一支，屬於抵飲酒吧。
呢間場歡樂時光仲抵飲，啤酒係 10蚊一支；大家千祈唔好誤會，以為自己無咁早到，一定享受唔到。佢哋所謂「歡樂時光」，就係由開舖至晚上 11點前； 11點前喎，大家可以食完餐晚飯，唞一唞之後，再過去飲都仲嚟得切 Order呀！
營銷女客都咁正
■酒吧細細，但係幾好氣氛。
不過，酒平都唔及女多嗰度好，呢間場嘅營銷真係唔少，間吧雖然細細哋，但係有成十幾二十位營銷喎，所以基本上一枱至少分到兩位或以上。仲有就係，大家唔好以為呢度可以賣 10蚊支啤酒，就係嗰啲着晒套裝嚟嘅營銷場，又咪誤會！佢哋班營銷係着便服，好有女朋友 Feel o架！
程風最開心嘅，都係見到事頭婆「圓圓」，佢身材好，又有女人味，啱晒我品味。不過，我喜歡圓圓嘅另一個原因，就係佢勁多女性朋友捧佢場，班女性朋友更大部份係後生女，噢！實在係 Very nice！無論係佢又或者佢嘅女性朋友，都非常睇得吓，而且我同圓圓咁熟，時不時都可以搵圓圓介紹啲朋友一齊玩，所以呢，識得圓圓真係好着數 o架！程風咪就係咁樣，經常由哄女變到俾女圍囉！
其實真係要讚一讚圓圓，佢咁有辦法搞得間場有聲有色，間場晚晚都爆，尤其夜晚 11點半打後，經常都坐滿，氣氛超好。
地利方便好氣氛
■又係客人嚟 o架，仲要係 See through嗰隻！
呢度嘅大廳有高枱又有沙發卡座，一個人嚟玩，坐喺吧頭，一樣會有營銷坐埋嚟同你玩；更何況，呢度仲有 3間包房，有大有小，設計雖屬簡單嗰種，但勝在燈光效果做得好，畀到唔錯嘅感覺。
你想近近哋，由羅湖關口坐車過去，你話去沿河南路轉入江背路嗰度，就會搵到，打的係唔使跳錶；如果時間尚早，大可以行路過去，都不過係 10分鐘左右，我就貪佢方便嘞！
■唔好以為佢係營銷，佢係呢度嘅熟客，得唔得呢？
■呢度啲營銷又幾有女人味。
單身吧
地址：深圳市羅湖區江背路「廬山花園」 E座 1樓
電話： 86755-8232 3111
酒吧收費：威士忌每套¥ 500，配送半打軟飲；啤酒¥ 238打；歡樂時光（ 20:00-23:00）啤酒¥ 10支；包房最低消費¥ 580。