點哄？呢樣就自己諗計啦！講番間吧，由於呢度行高檔路線，客路斯文，自然吸引到一班斯文女客。而且每個星期六都有 Live Band，啱晒輕鬆啲度過周末晚上。即使平日晚上，十一點打後都十分旺場 o架。想坐得舒服啲，揀卡座啦，隨時攤到唔捨得走呀！
功力不足，或者唔夠膽同陌生女子搭訕，咁點算？唔使驚，呢度有成十幾位營銷隨時候命，埋枱招呼閣下；另外，當然唔少得 Dancer啦，又靚又好身材，着得又性感，勁舞連場，邊得閒悶呢？
■前面呢位 Dancer靚女又好身材，連營銷都忍唔住攬吓佢。
■行出嚟幾有自信心，呢位營銷好玩得呀！
■呢位營銷成個 OL咁，都可以。
好氣氛酒水唔貴
■ Dancer跳舞幾有台型。
除咗女多唔覺悶之外，其實，呢間吧本身嘅氣氛都搞得唔錯 o架，設計好係原因之一。全個場分兩層，一層係大廳，第二層就係派對專區，好多人鍾意 Book嚟開派對，玩得夠晒私人之餘，又可以透過玻璃欄杆，睇埋樓下啲騷，感受吓大廳嘅熱鬧氣氛，真係一舉兩得。況且呢度啲燈光真係唔錯，帶動到場內氣氛。
最後講埋最實際嘅問題，酒水價錢如何呢？呢樣真係大可放心，¥ 350有一打啤酒，威士忌就更抵，¥ 550一支，連六支軟飲噃，價錢算大路；至緊要係場面靚仔，蒲得安心又開心吖嘛。而且位置好近皇崗口岸，打的過去都係二十蚊人仔左右，方便之至。
■每個星期六都有 Live Band，呢位結他手幾有型。
■呢位男歌手誠然外形一般，但唱歌極之了得。
■卡座坐得更舒服。
■二樓派對區，一樣熱鬧非常。
Monroe Bar
地址：深圳市福田區民田路「購物公園」北園 D區 301
酒水收費：啤酒¥ 40/支、¥ 180/半打、¥ 350/打，威士忌¥ 550/套、伏特加¥ 480/套（兩均送 6支軟飲+1盒紙巾），紅酒¥ 168/支