■人頭湧湧就喺呢度司空見慣啦！
程風介紹呢間場，連自己都忍唔住要讚吓自己醒，事關間場係新開之餘，仲勁多女！先介紹港男好喜歡哄嘅營銷類，呢度有幾組，全部都係 OL裝扮，斯文得嚟又性感，求其揀邊位同你暢飲一晚，都應該唔會有錯。因為佢哋啲質素都幾有保證，唔好講到咁誇，起碼屬於中上水平，睇都有排睇啦，成 30幾位，嚟多幾轉至識得晒。
除咗營銷之外，仲有程風必然會睇多兩眼嘅 Dancer。呢度 Dancer又分兩組，又係十幾廿位，位位都性感打扮，定力低啲中睇到流鼻血，而程風見慣世面，亦望到眼定定。
勁多 Dancer鬥性感
■唔見咗性感 Co Co一排，原來過咗嚟呢度做 Dancer。
眼定定咗十零分鐘，忽然發現舊朋友 Co Co喺度喎，咁耐無見，原來嚟咗呢間場。佢識做呀，即刻帶咗幾位性感富野性味道嘅同事埋枱招呼我！於是者，程風成晚同班靚女吹水飲嘢，同時仲要睇精采嘅跳舞 Show，認真忙碌，呢份咩工嚟 o架！話時話，班 Dancer埋枱嗰陣就斯斯文文，點知一上到台就跳到鬼咁風騷，確係天生嘅表演人才。
不講，講真呢度就算唔講女，亦非常吸引，新裝修樣樣都舒服企理，卻又帶少少懷舊氣息，最值得一讚嘅係燈光，帶起晒熱鬧嘅氣氛。由於呢度要做表演節目，所以表演台設計好重要，場內有好幾個跳舞台設喺客人枱邊，咁樣大家咪可以近距離欣賞啲性感 Dancer演出囉。另外，沙發設計既有特色又舒服，難怪呢度連閒日都爆場啦！
■嚟到睇埋真人，就會發現呢位營銷真係幾得！
■呢度 Dancer都幾 OK！
■唔好以為得 Dancer跳舞，呢度一晚都安排幾位歌手唱歌。
■呢度有好多唔同類型嘅 Dance Show。
77 Bar
地址：深圳市羅湖區春風路 3068號「置地大廈」首層（「佳寧娜廣場」左側）
酒水收費：
啤酒¥50/支、¥260/半打
威士忌¥500/套、伏特加¥550/套（各配送 6支軟飲）
卡座最低消費¥580