■三位可愛靚女肯影相，真係開心！
■從上而下就睇到間吧係幾咁人頭湧湧。
女多又有邊個會嫌棄呢？所以呢間場特別多人去。至於多女原因有好多，其一係呢度聚集咗好多外地人，又有 Disco Feel，所以好多鬼佬同鬼妹都好喜歡嚟呢度玩；其二就係呢間場有好多推廣主任，雖然無 Dancer，但係推廣主任既會普通話，又識講廣東話，有啲仲識簡單英語，唔係又點會咁多中外人士嚟玩呢？而互為因果，既然多外國人喺度玩，感覺上都安全啲、正派啲，所以又吸引好多後生女同埋喺蛇口返工嘅 OL，收咗工，夜晚嚟蒲吓，所以呢度就咁多女囉！
呢間場咁旺咁爆，亦同佢大玩 Disco Feel有關， DJ駐場打碟，音樂更能帶動全場氣氛。而一班靚女推廣都非常之醒目，經常自己走出舞池跳舞搞氣氛，而客人亦鍾意跳埋一份，外國朋友就跳得更加放啦！呢度逢星期三至六都特別多人，真係質到爆，熱鬧程度，相信大家睇相都知我無講大話。
■靚女都玩得好投入！
■法國 DJ Creet所到之處，盡皆爆場。
■呢度嘅推廣 Una，夠唔夠純？
■伊彤（左）同佢朋友好鍾意嚟玩，貪呢間場好氣氛。
派對一浪浪
其實呢度真係好多嘢玩，好似有個 Cafe Bar，畀客人休息、睇波兼傾偈。又有個清吧位，啱晒鍾意飲酒兼打美式桌球嘅客人，逢星期三有「美式桌球 9號波比賽」，連女士都會參加；另外逢星期四係「女士之夜」，更加女客如雲。咁都未夠，每兩個星期左右就搞一次派對，好似嗰晚程風過去，正係「法國 DJ Creet之夜」，呢位 DJ一出場，啲客人已經尖叫，氣氛好到不得了，大家都走晒出嚟跳舞，熱鬧到難以形容。嚟緊嘅 Function，相信亦係同樣好玩精采，咁你話嘞，呢度係咪蛇口必蒲之吧先！
■呢間場個舞池，餐餐都咁熱鬧啦！
■咁多女仔一齊跳舞，幾開心都有。
D Club
地址：深圳蛇口「海上世界」太子廣場星巴克咖啡三樓
酒水收費：溫莎威士忌 12年¥ 418/套（配送 7支軟飲）、軒尼詩 VSOP¥ 680/套（配送 7支軟飲）、啤酒¥ 300/買 1打送半打
不設最低消費