■三位 Dancer，都係標準身形，跳得好 Pro。
程風都係初次去玩，單睇外形，係舊式歐洲 House，唔通又玩老外清吧？入去至發現，裝修都幾 OK，而且夠晒大，典雅外形加現代化內涵，相當特別！雖然好多人話新場多數會爆啲，但係都唔會好似呢度咁，爆到行都行唔到，絕對係摩肩擦背，睇相都知我無誇張。連門口個休息區，都長期有成班女仔打躉，想搵人傾偈話咁易。
七日一派對
另外，呢度玩七日一派對，上個星期就搞咗個「青春派對」，又試過搞世界名 DJ派對，有噱頭，又有好音樂，多姿多采。
程風同呢度位老總傾過，佢話我知，呢度有一大班營銷，仲有 Dancer表演，女客就更加多到瀉，尤其每晚一到十點半打後，啲靚女就返工都無咁準時咁嚟呢度玩，女士同男士比例大概係 7比 3，基本上男士們嚟到都自自然然俾女圍，識唔識到新異性朋友，就睇你自己本事啦！卡座自己友玩唔好計，啲高枱同埋吧頭，真係擠滿晒靚女，用花多眼亂嚟形容就最啱嘞。
■開朗型 Dancer，笑不攏嘴。
■喜歡百變嘅 Dancer，就可以睇佢跳舞！
■古典美女型 Dancer，好襟睇！
■呢位 OL，散發女人味，聞到未？
勁歌熱舞搞氣氛
值得一提嘅係，呢度位女 DJ Ruby，佢打嘅音樂變化多端，絕對可以令客人情緒高漲，燈光師配合得啱啱好，搞到啲客人忍唔住，要走出舞台跳舞！而一班 Dancer跳舞，有時仲會配合駐場歌手演出，勁歌熱舞，幾好氣氛都有。歌手除咗唱得有水準，又識得搞氣氛，唱勁歌，要求客人一齊唱，又會專揀啲流行勁歌嚟唱，啲客人聽到梗係會一齊唱一齊跳啦！
總之，嚟得呢間場玩，氣氛一定熱鬧，悶場？咩嚟 o架！
■打得又睇得嘅 DJ Ruby。
■歌手駐場演唱又點少得呢？
■唔係講笑，真係座無虛席。
■從高睇落去，熱鬧氣氛，真係城中少有。
1877
地址：深圳市福田區「購物公園」北園
酒水收費：啤酒¥ 40/支，威士忌¥ 550/套、伏特加¥ 650/套（大酒各配送 6支軟飲及 1盒紙巾）不設最低消費