■佢係 Ivy嘞。
■好久不見嘅 Lily，又靚咗。
講緊嘅係位於羅湖好近關口嘅呢間「貓頭鷹猜枚酒吧」，嚟呢度玩，你唔使換人仔住，嚟到港紙埋單有着數啦，分分鐘每百港元都慳番四、五蚊，小數怕長計呀老友！不過，呢個兌法，喺星期六日特設嘅歡樂時光──即係晚上九時之前──就不適用，事關呢個時段係 10蚊人仔一支啤酒，做到咁盡，真係無得再講價嘞啩！
老闆仲一早講明，聖誕節雖然無特別 Function，但就絕不加價，總之一切照舊，最緊要到時大家嚟玩得 Happy。講真，自己約埋大班朋友嚟玩嘅話，乜嘢節日歡樂氣氛都有啦！
不過，話說回來，又唔係話酒價平就大晒嘅，都要個場好玩先得。呢度有乜特別好玩呢？其一係港式搶牌猜枚，而最重要係有一班青春又夠活力嘅營銷駐場陪你玩吖嘛。啲靚女個個識講廣東話，溝通無障礙，玩起嚟先夠過癮。
■呢位乖乖女咁款嘅營銷叫小雪，幾白淨吓 o架。
■ Vivi係廣東人，同佢溝通一定無問題啦！
人氣長旺好氣氛
後生女就梗係勁飲貪玩 o架喇，好似嚟自重慶嘅 Lily，佢 20歲咋，猜得又飲得，仲話歡迎大家上去挑戰佢喎。莫非佢唔知香港好多猜枚高手？真係廁所點燈！另一位靚女 Ivy，程風就至 Like嘞，因為我覺得佢有啲似港姐謝寧。而小雪就似似哋王菀之，姑勿論似邊個都好啦，總之就靚女又玩得！差啲講漏咗 Vivi，佢本身就係廣東人，對半鹹淡廣東話發音有先天性恐懼嘅朋友，搵佢就至啱嘞，耳仔一定唔會受罪。
呢度老闆話，臨近聖誕，當然要加強靚女陣容啦，佢特別搵咗呢幾位唔同 Style嘅營銷返嚟，有斯文玩得，有爽朗大方，仲有女人味十足嘅類型，所以咯喎，未到聖誕，呢度已經好有氣氛，人氣長旺，晚晚十一點後開始，呢度好玩夠 Fun，旺過旺角呀！
■呢度包房雖然細細哋，但勝在舒服。
■人氣不俗，港人蒲點當之無愧。
貓頭鷹猜枚酒吧
地址：深圳市羅湖區建設路「敦信大廈」一樓地下（「香格里拉酒店」旁）
酒水收費：啤酒¥ 30/支（買一送一）、芝華士¥ 488/套（包半打軟飲）
包房：不設最低消費
星期六日 21:00前特設歡樂時光：啤酒¥ 10/支
港幣兌人民幣 100:90