■成日都着得咁性感嘅營銷叫做小玉。
諗起懷舊音樂吧，程風即時想起以前嘅歌舞廳，尤其係上海，嗰種十里洋場，鶯歌裊裊。好似呢間酒吧咁，啲裝修固然係有懷舊氣息，啲歌亦以舊歌為主，多數係八九十年代經典廣東歌曲，去過就知我無呃你，啲音樂真係幾有水準，無論係演奏或者演唱嘅音樂人，都一樣有睇頭，想搵番集體回憶，非呢間酒吧莫屬。由羅口岸「打的」過去，不過係 20蚊人仔左右，轉個彎就已經係鳳凰路食街，夠晒方便。
聲色藝俱全
更特別，更有懷舊氣息嘅係，以往所謂歌廳嘅歌手，真係睇得、唱得兼有才藝，而呢間音樂吧嘅歌手估唔到都一樣。之前介紹過一位嚟自哈爾濱嘅歌手 Maggie正係呢種類型；而近來新加入嘅思思，同樣係聲色藝俱全，佢係羅湖區內薄有名氣嘅平面模特，而且由於歌藝了得，亦好有興趣兼好有 Heart去唱歌，絕對係一名聲色藝俱全嘅歌手；靚女得嚟，既有些少童愛玲 Feel，又有少少似前港姐袁彩雲，佢每晚大約 11點半就會上台獻唱，想睇吓乜嘢叫做聲色藝歌手，嚟呢度就啱嘞。
■經常都有唔同樂隊表演。
■唔使多講啦，人多成咁，氣氛肯定熱鬧。
派對吸引 OL
■唔止有歌聽，仲有唔少 Function搞！
此外，呢度班樂隊亦係出名嘅「電波樂隊」，仲有就係呢度不時會請啲樂隊、嘉賓歌手嚟開吓迷你音樂會，同樣令人雀躍。除咗唱歌，呢間場仲會不時搞一啲同音樂無關但係又特別嘅派對，唔怪得除咗啲懷舊音樂狂燒友之外，仲引嚟一班 OL嚟捧場。
雖然呢間場係以音樂為主，但佢哋都有幾位幾 OK嘅營銷，高䠷嘅晶晶就係其中一位，而且仲有另一位玩得好癲嘅營銷叫做小玉，有佢哋兩位駐場，加埋其他幾位營銷，程風登時發現乜嘢叫做貴精不貴多。所以一早已經 Mark定思思，我俾呢位靚女喺台上嘅風姿同美妙嘅歌喉吸引，成晚淨係望住佢都唔悶啦！
■一樣係靚女嘅歌手 Maggie，呢晚以民歌 Look登場。
■佢就係美女歌手思思，佢仲係國內平面模特。
■呢位營銷叫做晶晶，都幾 OK！
■連啲客人都睇得吓。
寶麗金懷舊音樂吧
地址：深圳市羅湖區華麗路 1048號「集浩花園」 2樓
酒水收費：啤酒¥ 300/打、¥ 40/支；威士忌¥ 550/套（配送 6支軟飲）、伏特加¥ 450/支、龍舌蘭¥ 550/支、軟飲¥ 25/支