新裝有氣派 兩嚿水飲成晚 B Club

程風呢期又返去羅湖玩，唔係話東莞唔好玩，而係喺羅湖嘅佳寧娜廣場嗰間「 B Club」有新搞作，就係佢哋個 Disco區「 Butter」之前經過一輪改裝之後，又要同大家見面，影相時未開張，但係程風有啲 Face，先睹為快之餘，仲可以見埋佢哋班會員部 OL先呢。

■深圳版王聖依，得唔得先？


之前呢間場就好有風格，但係可能個裝修唔係人人可以接受到，家佢哋返璞歸真，做番啲簡單靚仔嘢，即時成個 Feel都唔同晒。大家都知道呢個場其實好大，之前中間放晒嘢，有啲阻礙視線唔係咁好，睇唔通嘛；所以，家裝修之後，就通番晒。但嗰個有型嘅 DJ Booth就唔郁，背後就係新造嘅靚吧頭。成間場圍住都係沙發卡座，中間全無阻住；其他位置，都係高枱，一於勝在夠簡單。啲細節位都做得好好，例如燈光嘅配合，喇叭位都移過，咁就無論感覺、燈光、音響都變得 Very Good啦！



■要有青春活力，呢個又唔知道啱唔啱？




■呢個又好似係白領麗人。




■會員部呢位女士，就夠晒 OL Feel啦！




■想野少少，怕且都要搵呢位會員部小姐嘞！


全新會員部 OL


■新裝修後嘅大廳位置，好 Feel好多！



硬件方面，其實仲有好多好嘢，但唔講咁多嘞，事關我忍唔住要介紹呢班會員部 OL囉。話係 OL，真係無講錯，佢哋好多都着到好似 OL咁返工；梗係啦，家內地客人嘅水平高咗，做服務行業更加要注重，啲靚女都 Dress Up返工，咁至叫敬業樂業嘛。而且佢哋質素都唔錯，細細粒、纖體型，好有水平，成個黃聖依咁都有！
量方面，廿幾個一定走唔甩。第一次過去玩，就要搵會員部經理 Tina，佢可以搵到啲會員部靚女同你玩；再唔係，咪佢同你哋玩囉，個個都咁玩得，無所謂啦！但你仲會有疑問，今時今日上內地，乜嘢價位呀？家呢度日日都有任飲，兩嚿水人仔坐高枱；記住係高枱，就可以全晚任飲洋酒或啤酒。外頭嗰啲買一送一啤酒場，三十幾蚊兩支，一打都要兩嚿幾水啦；家係任飲，仲係啤酒或洋酒都得，抵到無話可說啦！



■沙發卡座圍住個大廳，邊度都睇到表演。




■呢個室內閣樓就無變到，依然喺度。


B Club
地址：深圳市羅湖區人民南路「佳寧娜友誼廣場」負一樓

酒水收費：
每天高枱：¥ 200任飲（啤酒及洋酒）
95紅酒：買一送一
帝王威士忌：買一送一（平日）/買二送一（周六）
漢高香檳：買二送一
酩悅香檳：¥ 880

夜總會玩團購 500美女駐場 富豪皇宮夜總會

潮流興玩團購，估唔到呢陣風吹到去東莞嘅夜總會，喺常平，之前介紹過嘅「富豪皇宮夜總會」，家都話玩團購，保持 500位以上美女駐場，爽呀！

■有樣有身材，呢兩位都幾得！




■單單門口都已經令大家好有期望啦！


購物玩團購就知道點玩，但係夜總會點玩團購呢？呢間常平名店就有新玩法，只要你有四至五人一齊預訂房間，就有呢個團購優惠。只收你人仔¥ 1,298，無其他雜費，包你兩嚿幾水嘅小食，即係可以叫番三五七碟小食都得，兼且有三打啤酒， K房係細房，但係一啲都唔係細，係貴妃房或太子房，真係抵玩，仲要有埋張一嚿水嘅餐食券，等你第二朝起身有得食。唔止係酒，呢度連酒店房都有團購，話晒係酒店場，啲酒店房就喺樓上，相當方便。


■門面夠派頭，仲要有咁多短裙 DJ歡迎你，幾有老細 Feel。




■呢度啲房勝在夠闊落，呢間只不過係細房咋。


總統房超大
可能你話要玩勁啲，多啲朋友開派對，得！無問題，呢度有一間超大嘅總統房開張，有齊晒 DJ Booth、酒吧位、舞池，足夠容納 200人一齊玩，想多啲人嚟開 P，呢間房絕對夠玩。此外，當然有好多唔同類型嘅大中小房俾你揀啦！
至於囡囡，呢度堪稱全東莞最多靚女選擇嘅夜總會，梗係唔會令你失望。以前都講過，佢哋喺女源最短缺嘅春節都 Keep住有成 300個女，家正常時期，就有超過 500位駐場。
而且，呢期佢哋仲特登搵咗大量嘅東北美女，以模特兒標準身材為準。你話咁多女，你可以點揀呢？
咁都唔止，班靚女仲換晒新制服，大方得嚟又性感，間場仲規定，一定要掛個號碼牌仔喺身，一入房俾你揀，唔使話呢個嗰個，講到口水乾都唔知你話邊個，叫號碼就走埋嚟坐喺你身邊，方便到極，夠晒 Happy啦！



■「壹凌陸」雙腿又長又幼，美腿之冠。




■「實易」屬於野性ＯＬ。




■「易仔」可愛又好笑容，身材都唔弱喎。




■佢夠含蓄兼冷艷，又係我喜歡嘅。


富豪皇宮夜總會
地址：東莞常平鎮金美路「富豪酒店」內（豪華專車接送）

酒水收費：（散叫港幣對人仔 1:1）

個人任飲套餐：¥ 480元/位，包 K房間 1間、客房 1間、啤酒任飲、開枱生果小食（免加收服務費）。

超值團體套餐（適合 4-5位，須預訂）：¥ 1,298，包生果開枱小食、 3打青島啤酒或法國紅酒 3支、過夜客房、 DJ消費、 K房 1間（貴妃客房或太子客房）、 100元餐食券。

其他優惠：團體預訂酒店房， 4間送 1間。

細場好氣氛 人客興奮跳不停 購物公園

今次帶大家去一間位於福田嘅酒吧玩，坐地鐵到「購物公園」站 C出口，隔籬係尼泊爾同愛爾蘭酒吧餐廳，喺正角落位，即係巴士站側邊，總之好易搵。特色係場仔細細但好氣氛，而且酒價平，靚女營銷都有唔少 o架，呢個就至為重要啦！

■客人都幾得，咁先至好玩。

呢間就係「帕絲酒吧」（ Bar Plush），場唔大，但咁先至有氣氛，而且呢度特登搵咗之前喺福田好出名嘅前「 Laluno Club」（雖然間吧已結束咗，但真係好勁。）音響迴音設計師嚟設計音響效果，梗係唔同啦！呢間場最多玩就係 Hip Hop，算係呢度主打 Music，平日 Happy Hour啤酒 10蚊人仔一支，肯定抵飲啦！
閣下早段嚟坐就夠晒舒服，夜段當然啱晒鍾意聽歌玩派對嘅朋友啦！此外，咪以為場細就無靚女，呢度都有幾位營銷 o架，其中一位仲係業餘平面模特兒「晶晶」，我覺得佢係「圓面版 GiGi」，經常笑容滿面，見到都開心。



■ DJ Cook相當有型，而且仲打得幾好 Feel。




■呢度有位女 DJ Electra，幾性感！


派對精采爆晒場
程風嚟得呢度梗係貪佢哋好好玩，呢晚就有個名為「 Frontline Event」嘅哌對，梗係嚟睇睇啦！
話明係玩 Sexy Funk，除咗玩 Funk之外，唔同嘅 DJ有唔同法寶，好似打頭陣幾型仔嘅 DJ Cook，先打吓 Groovy 70's同埋 80's Funk；跟住來自香港嘅性感女 DJ Electra，打佢嘅拿手好戲 Sexy Club Mixes。啲女客聽到，興奮到出晒嚟跳舞，晒身材、晒舞姿，跳到上台，你話幾 High。押尾仲有 DJ Curtain，梗係打佢至愛嘅 Progressive Dance Tunes；幾位 DJ仲有打啲 Electro House等等不同類型。勢估唔到呢間場，場仔細細，打啲歌仔真係幾得，咁精采嘅派對梗係爆晒場啦！



■跳到上舞台就知道有幾好玩啦！




■晶晶係呢度嘅營銷，有水準啩？


新一代深圳老蘭
講真，家「購物公園」北園呢邊嘅酒吧街，已經超越咗對面嘅「 Co Co Park」酒吧街，嗰邊係傾偈吹水兼飲酒，但係北園直情好似全盛期老蘭咁，尤其係星期五、六，條路旺到都差啲行唔到，啲客人有國內 OL、港客兼外籍男女，仲唔係新一代深圳蘭桂坊咩？而呢間場都一樣有好多女客捧場，特別係佢哋玩開派對；唔好以為一玩派對就多外籍人士，係就係多啲，但係一樣唔少國內 OL嚟玩，所以下次呢度有派對，千祈咪錯過嘞。



■原來呢個場，玩得癲嘅係班女士。




■個場係細啲，但係都幾好氣氛。


帕絲酒吧 Bar Plush
地址：深圳市福田區「購物公園」北園 C座 148號
酒水收費： Happy Hour 18:00-22:00
啤酒¥ 10/支；洋酒套餐¥ 886（ 2支洋酒、 8支軟飲、 2份任選小食、 1份水果）；特價 Cocktail¥ 15/杯起

深圳蒲文化鼻祖 好多嘢好玩 本色

其實，好耐之前都想介紹呢間酒吧畀大家認識，但係程風貪玩，經常顧住玩都唔記得帶相機，今次終於記得。呢間位於國企大廈 25樓嘅「本色」，深圳蒲文化始鼻祖，亦係同系酒吧嘅旗艦店，家依然好玩，如果未嚟過呢度，真係唔算喺深圳蒲過。



■呢啲派對，有好多靚女嚟玩。


好多人以為去蒲就係去媾女，但係貪媾如程風，都覺得你大錯特錯，因為真正蒲係要 Relax，嘆吓酒、同朋友聯誼吓，仲要識啲音樂，呢度就有晒！記得十年前咁上下，大家蒲深圳都仲係以媾女為主，但呢間場一出，就奠定蒲界基本文化，唔一定要大場，只要有氣氛、好音樂，可以聚到班想玩、想輕鬆、想識吓唔同朋友嘅人，呢啲先至係蒲得正路、蒲得健康。呢間場當年就係推崇呢種蒲文化而奠定咗「深圳第一正場」嘅地位！

音樂主打女士至愛

■不如唔好互咀，咀吓我啦！


呢間場帶動咗深圳嘅蒲文化之餘，仲帶動咗以音樂宴客嘅主題，時至今日依然以唔同嘅音樂會友，有唔同類嘅 DJ嚟呢度打碟，場內音樂新鮮感強，音樂有加勒比海嘅 Reggae，仲有 Dancehall，亦有好受歡迎嘅 Old/New School Hip Hop，家好興嘅 RNB，又有 Dubstep、 Dub、 Minimal、 House、 Funk等，所以，呢度係各大喜歡音樂嘅蒲友必到嘅地方，而且仲吸引唔同國籍人士嚟玩，女士人客唔少係 OL、大學生、從外國返嚟嘅海歸女士，氣氛有幾熱鬧真係唔使多介紹。

■呢兩位常客都幾可愛。



■使乜怕醜呀？你咁可愛！


地方細細派對不停
大家唔好以為出名嘅場就一定好大間，唔係下下幾萬呎先至叫做正場，呢間場仔細細，睇落真係一間三房兩廳嘅香港樓咁。不過，大細唔係最緊要，設計至係重點，呢度以中國式連蚊篷嘅床做卡座，紅色燈光做主色調，相當特別。而且經常爆場，每個月，有時仲係每個星期甚至三四日，就有音樂或 DJ派對，世界各地著名 DJ嚟到深圳都必蒲呢度。
話明係派對不停站，嚟緊呢個月嘅 26號又有嘢玩嘞，名為「 Japican Party」嘅主題派對，一班日本 DJ會齊齊即席大搞氣氛，以 Reggae同 Dancehall音樂做主打，陣容咁強勁，真係聽吓都知好玩啦！


■好氣氛唔在講，仲要有幾多女仔嚟玩。



■呢位女 DJ，絕對有睇頭啦！


Japaican Party


日期： 2月 26日

出場 DJ： Ninja Force Judo Man包括 DJ Laoban、 DJ Karmiy、 DJ Shabaga' Aka Maflo

音樂類型： Reggae、 Dancehall

地址：深圳上步南路國企大廈 A座 25樓

各式靚女 情人節蛇口見 露台

過完年，又同大家過去蛇口玩玩，因為都想睇睇啲外國人喺內地到底點過年，原來佢哋啲氣氛都好好，而且發現喺蛇口「海上世界」其中一家好多老外嚟玩嘅「露台」（ The Terrace）仲有好多模特出現，佢哋話要等埋各位，識多啲靚仔過「華倫天奴日」喎！

■當地女士原來都好鍾意喺呢間場度玩，你哋鍾唔鍾意呢？


■性感模特兒同司儀玩得好投入。


呢間場其實喺蛇口海上世界就幾出名，除咗係其中一間出名嘅旺場外，佢哋仲有好多泰式同西式食品供應，仲有好多特價酒水，加埋個露天大露台，坐喺度飲酒吹水，確係一樂也！
但係最特別嘅，除咗本地人之外，呢度又吸引咗唔少喺當地居住嘅泰國靚女嚟玩，間場亦都請咗唔少泰國靚女做 Waitress，自不然吸引唔少外國人嚟啦。不過唔知點解，呢期仲多咗一班高質模特兒出現喎！

索模特兒湧現
無他嘅，呢間場經常都肯花心思，搞一啲別出心裁嘅節目，有勁度十足嘅 Live Band比賽，好似前排又有一個叫做「 The Holy Kongzi Shenzhen Model Competition」，於是呢度就出現咗好多高質素嘅業餘模特兒出現。
程風見到都覺得佢哋幾有水準，而且比賽完咗之後，佢哋好似愛上咗呢個場咁，間唔中都會嚟番呢度蒲。佢哋仲話，呢度成日咁多節目，好好玩。
好似今日情人節，佢哋又搞個情人節派對，班模特兒都話要嚟玩吓，識多幾位男性朋友，多啲選擇畀自己。咁穩陣，咁大家都可以喺呢個晚上去玩玩，睇吓同呢班靚女有無緣份啦！


■呢位高䠷又性感，正呀！



■上到台上，真係好似選美會咁，有幾個唔同環節。


每日都有優惠
話時話，呢個場嘅氣氛又真係唔錯，外國酒吧 Feel，又多唔同國籍人士喺度玩，再加埋佢哋有隊幾勁嘅 Live樂隊，又真係幾好玩；仲有埋駐場 DJ Yan喺度打碟，點會唔好玩呢？
何況呢度星期一至日都有唔同優惠項目搞，一定有着數，程風本人就至喜歡星期二同三嚟嘞，因為星期二就全日都係歡樂時光，唔同酒水有唔同優惠；至於星期三係 Ladies Night，好多靚女喺度出沒，啱晒我！


■想好氣氛，坐喺呢個露天位都唔錯。



■呢度都幾受外國人士歡迎。


The Terrace
地址：蛇口太子路「海上世界」（「星巴克」上面）
電話：（ 86） 755-2682 9105
歡樂時光： 11:30-20:00
每星期特別活動：
星期一 Mojito Night， Mojito 2 for 1；
星期二全日歡樂時光收費；
星期三 Girl Night Out，女士之夜，女士免費任飲；
星期四 VIP香檳之夜，香檳特價；
星期五、六 Jager Weekend，特價 Jagermeister¥ 468/套配送 6支軟飲；
星期日 Smirnoff Sunday，¥ 380/套配送 4支軟飲。