■啲 Dancer一晚換幾次衫，包無悶場 o架。
唔使明查暗訪，我已經估到係「飄邦酒吧」，呢間露天式酒吧，一向有名，好多人都去過，家轉咗老闆，就更多新搞作。雖然仍係以露天酒吧為主，但中央露天位置加咗頂變咗有瓦遮頭，入門口嘅園林露天位就無變，而最大改變要算係表演節目。以前係歌手同 Live Band為主，家都有，但就多以特色主題表演為主，好似前排就搞咗個打擂台比賽，請嚟唔同級別嘅散打選手比賽，拳拳到肉，喺台下都聽到啪啪聲，十分精采，唔怪得爆晒場啦！老細仲話會繼續搞呢類特色節目，咁真係要嚟密啲喇。
Dancer不停變身
■甫士擺得靚，條腰仲靚。
至於無特別節目嘅日子，呢度亦梗有 Dance Show，一班 Dancer質素唔差 o架，大家唔好以為程風咁膚淺，淨係識得睇樣睇身材，係！呢兩樣嘢又確係最吸引，但係仲有嘅！就係佢哋嘅態度同專業水平。大家若然去過羅湖嗰邊好多所謂嘅大場，一樣有 Dancer，係好正好性感，但係，一上到台就只會兩手 Fing Fing，十足做早操咁，靠樣同身材就忘記自己係 Dancer，一啲都唔專業。但係呢度班 Dancer就唔同嘞，除咗樣子睇得吓，標準 Dancer身形，一晚換幾次衫，最重要係睇得出每個演出都係經過排練，活力十足，仲講究台型同埋整體合拍，跳得好好睇，咁至係專業吖嘛。
■呢位 Dancer可愛又幾靚女，真係幾 OK！
■好有古典美人 Feel，標緻又斯文。
客源廣氣氛好
■場面墟冚，唔少仲係外籍人士。
既有咁精采嘅表演，加埋拉闊樂隊每晚嘅演出，爆場真係話都無咁易，連外籍人士都鍾意嚟玩㖭 o架。講到客源廣，當然仲有原因啦！一來由於唔少清吧客都喜歡呢度環境，二來好多女士，尤其斯文嘅 OL都喜歡呢度嘅氣氛；至於園林露天區，更加係情侶談心嘅好地方。仲有就係呢度多埋張美式桌球枱，外籍人士尤其鍾意玩啦！更何況酒水唔貴，仲有好多特色小食，計我話，晚晚嚟都唔會厭。畀多個貼士大家，呢度其實係有營銷駐場嘅，可惜個個都怕醜，唔肯影相，大家想見真人，更加要親自走轉啦！
■嘩！一拳質落去，幾勁！
■ Group Dance係眾多表演節目之一，相當精采！
Pupo Bar
地址：深圳市福田區民田路 138號「購物公園北園」一樓
交通：羅湖區乘地鐵至購物公園站，由 A出口步行約 3分鐘即到；或於皇崗口岸乘的士，約¥ 20
酒水收費：威士忌¥ 498/套、伏特加¥ 380/套（各配 6支軟飲），啤酒¥ 30/支起，買 2送 1（不設最低消費）