■喜歡高䠷 OL，唔使四圍望，呢間場都有。
■呢位夠唔夠清純？
點解話會有吸引力呢？好簡單，程風同好多港男上去深圳玩，雖則話我哋係好鍾意哄住啲女營銷，但係女營銷好多時只係好玩、好哄，一講到猜枚，至叻咪又係玩兵器，玩到拳腳，至多去到 One Two，要猜第二啲枚，可能真係唔多曉，所以有男營銷喺度，猜起嚟就爽好多，而且男營銷飲酒一般嚟講都豪氣得多，投入好多吖嘛。
營銷真係 OL
呢度雖然係多咗男營銷，但依然有女營銷駐場，佢哋仲特別着 OL裝上班，斯文得嚟又帶少少性感。而且有部份的確係日頭返寫字樓工，夜晚喺度兼吓職，係真正 OL，氣質都唔同啲啦！港男嚟呢間酒吧應該會好開心，點解？一來好多 OL營銷，二來，就係因為呢度多咗男營銷，又可以吸引多啲女仔客嚟玩，啲女仔多咗，男士們又多啲機會去結識吓新女性朋友，靚女無分國界，內地又好，香港又好，總之，大家啱 Key就得啦！
■ OL款嘅營銷全面登場！
■另一位 OL營銷，佢係咪你心水？
全場齊齊跳
■呢度轉型之後，捧場客依然都咁多。
好多羅湖場都會既有營銷，又有 DJ打碟同埋 Dancer表演，但係呢間吧就以營銷主打，絕對係簡單得嚟又有變化多端嘅組合出現，男士可以搵女營銷玩，女士可以搵男營銷玩，又或者男女營銷一齊埋枱玩，呢個世界，至緊要陰陽調和，正所謂異性相吸，同性又啱傾，識吓新朋友，氣氛熱鬧無悶場，咪就係落吧最大得着囉。所以，呢間場好有信心，索性 Dancer同歌手都唔使，單單係搵位後生仔又打得一手好碟嘅 DJ駐場，打番啲勁歌，好似《 Nobody》呢類，一打出嚟，全場人變晒 Dancer，自然會郁身郁勢， un吓 un吓，夠晒投入啦！加上又猜枚又飲酒，點會唔 Happy先！
■男營銷駐場，連香港女客都吸引埋。
■唔使驚悶喎，後生仔 DJ手碟好得！
Seven Bar
地址：深圳市羅湖區沿河路交界「陽光新干綫」首層（沿河加油站旁左邊 100米）
酒水價：啤酒¥ 20/支，黑牌威士忌¥ 480/套、伏特加¥ 450/套（各配送 6支軟飲）
不設最低消費