■呢位 Dancer個樣好可愛，又幾吸引。
呢間東門場，素來以 Dancer出名，高䠷性感又跳得出色，雖然做得好有口碑，但間場依然十分進取，不斷有新搞作。最近，嚟咗一批新 Dancer之餘，仲換上新舞衣，上身低胸露腰，下身超短迷你裙不特止，仲襯埋魚網絲襪，誘惑到不得了！其中幾位新到嘅 Dancer，個樣真係好鬼可愛，加上性格爽朗好玩，唔怪得頻頻俾客人請埋枱玩啦！
演出次次不同
不過，講激，講好玩，呢度嘅新節目就最正喇，咩咁巴閉？嗱，抄低喇，家每晚十二點幾，就會有一 Part特別表演，由男 Dancer扮演人魚，即係美男魚啦，佢着住條魚尾喺台上典吓典吓，腰力非常好，跟住就會遇上狂野兼性感打扮嘅靚女。最後，會除咗條尾大演鋼管舞，上演一幕幕狂野又激情嘅鋼管 Dance Show，又摸又掃，有拉丁舞嘅熱情，又更加大膽。三角褲美男魚舞姿超激大膽，睇到全場大叫！呢個演出，聖誕節前都仲會有，但其實演出會次次不同，好有新意，所以，即使嚟多幾次，都睇唔厭 o架！
■ Dancer嘅演出，真係好專業。
■新增項目超激嘅辣身舞，必睇！
■着咗新制服嘅 Dancer，零舍醒神，呢位識講廣東話 o架。
■久違嘅 Jo Jo，依然咁好身材。
吧女侍候唔怕悶
■人氣不俗，閒日個卡座區都坐得滿。
激情嘅表演當然唔係成晚都有，但係啲 Dancer就會不停咁演出，因此絕無冷場，一定玩得開心。除咗 Dancer，呢度仲有好多營銷，加埋有過百位 o架，講緊嘅都係可以埋枱玩嗰隻，即係話，輪住請營銷埋枱，都夠你成個月有唔同人陪你啦！
不過咁，若然閣下一個人嚟坐吓飲吓嘢，亦得，建議你坐吧頭，事關呢度有幾位青春活潑嘅吧女喺度侍候大家，唔止調酒開啤酒斟酒畀你，仲可以同你傾偈、飲酒、搖骰仔，咁多靚女滿場飛，一路 Keep住都心情靚啦！
朱古力
地址：深圳市東門南慶街「滙西名苑」「新 2000廣場」東座 1-2樓
酒水收費：麥卡倫 12年/雪樹伏特加¥ 980、軒尼詩 VSOP/馬爹利名士/人頭馬 VSOP/銘悅香檳/黑牌紀念版/92長城干紅/經典格蘭杰¥ 880、山崎 10年威士忌¥ 780、黑牌/芝華士/尊藍/杰克丹尼/百齡壇/格蘭菲迪¥ 680
（以上價錢為每支收費）
註：以上酒類均配送 8支軟飲、中果盤、紙巾、酒吧小食、廚房小食各一份，香檳及紅酒不配軟飲